DONDOSHA NEWS YATUZWA KAMA ONLINE MEDIA BORA KWA MAUDHUI YA SANAA YA NYANDA ZA JUU KUSINI – BURUDANI MBEYA AWARDS 2025

Katika harakati za kuinua na kuendeleza sanaa ya Nyanda za Juu Kusini kupitia uandishi na uchapishaji wa habari, jukwaa la Dondosha News limeibuka kidedea kwa kushinda tuzo ya Online Media Iliyofanya Vizuri Zaidi kwa Maudhui ya Sanaa ya Nyanda za Juu Kusini katika Burudani Mbeya Awards 2025.

100% Kujitoa Kwa Ajili ya Sanaa ya Kusini

Tofauti na majukwaa mengine ya habari, Dondosha News imejikita asilimia 100 katika kufuatilia, kuripoti na kuchambua kila tukio, harakati na mafanikio ya wasanii wa ukanda wa Nyanda za Juu Kusini. Imechagua kuwa sauti ya kweli ya wasanii wa mikoa ya kusini, ikitoa nafasi kwa vipaji vya ndani kupata mwangaza na kutambulika.

Habari zinazochapishwa na Dondosha News zimekuwa:

-          - Zenye mlengo wa kujenga, kuhamasisha na kuboresha mazingira ya sanaa ya ndani

-         -  Zikigusa maeneo yote ya burudani ikiwemo muziki, filamu, mitindo na sanaa nyingine

-      - Zikitumia lugha ya karibu kwa mashabiki, na kuwafanya wajisikie sehemu ya safari ya sanaa ya nyumbani

MBEYA BIG 20 – JUKWAA LINALOCHOCHEA USHINDANI NA UBORA

Moja ya mafanikio makubwa ya Dondosha News ni kuanzishwa kwa jukwaa la MBEYA BIG 20, mp5ango unaotambua na kutangaza wasanii 20 wanaofanya vizuri zaidi kila kipindi, na hivyo kuchochea ushindani wa ubunifu, kujituma na ufanisi miongoni mwa wasanii wa kusini.

- Hili jukwaa limekuwa na mchango mkubwa katika:

-         -  Kutoa motisha kwa wasanii chipukizi na wakongwe

-          - Kutengeneza rekodi ya mafanikio ya ndani kwa uwazi na uwajibikaji

-          - Kuibua mijadala na fikra mpya juu ya namna ya kukuza sanaa ya mikoa ya kusini

DANY LOVE – AKILI KUU NYUMA YA JUKWAA

Daniel Mwakyoma, maarufu kama Dany Love, ndiye mwanzilishi na mtendaji mkuu wa Dondosha News. Uelewa wake wa tasnia, maono ya muda mrefu, na mapenzi yake kwa sanaa ya Kusini vimeifanya Dondosha News kuwa jukwaa lenye hadhi na heshima kubwa.

Ushindi wa Dondosha News ni ushindi wa dhana ya kujitegemea katika kusimulia mafanikio yetu wenyewe. Ni uthibitisho kuwa maudhui ya kweli, yaliyojikita kwa jamii husika, yana nafasi ya kuleta mabadiliko na kuamsha ari mpya.

 

BURUDANI MBEYA AWARDS 2025 – KUKUTAMBUA NI HESHIMA YETU.