DEVOTHA DAUDI (DIVA DEVOTHA) ASHINDA TUZO YA MUIGIZAJI BORA WA KIKE – BURUDANI MBEYA AWARDS 2025

Katika Burudani Mbeya Awards 2025, Devotha Daudi maarufu kama Diva Devotha ametangazwa mshindi wa tuzo ya Muigizaji Bora wa Kike wa Filamu na Tamthilia kwa mwaka 2024, akitambuliwa kwa mafanikio yake makubwa katika tasnia ya filamu na tamthilia nyanda za juu kusini.

UMAHIRI WA MUIGIZAJI

Diva Devotha ameonesha ubora wa kipekee katika uigizaji, akiwakutanisha watazamaji na hisia halisi za wahusika anawachezea. Kwa kupitia filamu na tamthilia mbalimbali, amefanikisha kuleta hadithi zenye mvuto, za kihisia, changamoto za kijamii na maisha halisi ya watu wa mkoa wa Mbeya na maeneo jirani.

SABABU ZA TUZO

Devotha Daudi alipata tuzo hii kutokana na:

-          Uongozi wa kihusika na ubora wa uigizaji

-          Kushiriki kwa wingi katika filamu na tamthilia zilizopokelewa vyema

-          Kuchangia kukuza na kueneza filamu za Nyanda za Juu Kusini

-          Uhusiano mzuri na wadau wa sanaa na wapenzi wa filamu

Kupitia mchanganyiko wa kura za mashabiki (85%) na academy (15%), Diva Devotha alipata kura nyingi na kuibuka mshindi wa haki.

Ushindi wa Diva Devotha unadhihirisha kuwa vipaji vya uigizaji vya nyanda za juu kusini vina mvuto na ubora wa hali ya juu. Ni ushindi wa heshima kwa wasanii wa filamu na tamthilia mkoani Mbeya.

 

BURUDANI MBEYA AWARDS 2025 – KUKUTAMBUA NI HESHIMA YETU.