D NASSE ASHINDA TUZO YA WIMBO BORA WA KUTIA MOYO KUPITIA “TUTATOBOA” – BURUDANI MBEYA AWARDS 2025

Katika kutambua muziki wenye ujumbe chanya kwa jamii, msanii D NASSE ameibuka mshindi wa tuzo ya Wimbo Bora wa Kutia Moyo (Inspirational Song) kupitia wimbo wake maarufu “TUTATOBOA”, katika Burudani Mbeya Awards 2025.

UJUMBE WA TUMAINI NA UVUMILIVU

“TUTATOBOA” ni kazi ya muziki yenye maneno ya kuhimiza matumaini, bidii na uvumilivu katika maisha. Kupitia uandishi wa mashairi wenye hisia, D NASSE aligusa nyoyo za watu wa kada mbalimbali – kutoka kwa vijana wanaopambana mitaani, wanafunzi, hadi wafanyakazi wanaoendelea kuvumilia changamoto za kila siku.

Wimbo huo ulisambaa haraka mitandaoni na kufikia maelfu ya watu, huku ukipata mzunguko mzuri kwenye vituo vya redio na TV.

SABABU ZA USHINDI

D NASSE alipata tuzo hii baada ya kupigiwa kura na mashabiki (85%) pamoja na alama kutoka kwa academy (15%) na kuibuka na alama za juu zaidi kwa vigezo vifuatavyo:

-          Maudhui yenye msukumo wa matumaini

-          Ubunifu katika uandishi na utunzi wa mashairi

-          Ufanisi wa kimuziki na ubora wa uwasilishaji

-          Mapokezi chanya kutoka kwa jamii na vyombo vya habari

“‘TUTATOBOA’ ni zaidi ya wimbo – ni sauti ya kila mtu anayekataa kukata tamaa. Ushindi huu ni kwa wale wote wanaoamini kuwa kesho inaweza kuwa bora.”

Ushindi wa D NASSE unaonesha kuwa muziki una nguvu ya kuleta matumaini na mabadiliko ya kifikra. “TUTATOBOA” imekuwa wimbo wa harakati za maisha, na ushindi huu ni thibitisho kuwa ujumbe mzuri huishi mioyoni mwa watu.

 

BURUDANI MBEYA AWARDS 2025 – KUKUTAMBUA NI HESHIMA YETU.