FEBRUARY OMARY: TEMPLATE YA WATANGAZAJI WA KIKE TANZANIA - Mfano wa uthubutu, ubunifu na heshima ya wanawake katika sekta ya utangazaji

Katika ulimwengu wa burudani na utangazaji wa redio, jina la February Omary, anayejulikana zaidi kwa jina la utangazaji Fyebyebye Baby – Southern Highlands Queen, limeendelea kung’aa kwa mvuto wa kipekee. Ni sauti, mtindo na umahiri wake ulioifanya historia ya utangazaji wa vipindi vya burudani Tanzania kuandikwa upya.

MWANZO WA SAFARI: MBEYA

February alianza kujijengea jina kupitia redio maarufu jijini Mbeya, ikiwemo GENERATION FM, Dream FM, MUST FM na ACCESS FM. Uwezo wake wa kipekee katika kucheza na sauti, mtiririko wa maneno na uwasilishaji wa mada ulimpa nafasi ya kutawala vipindi vya burudani kwa muda mrefu.

Umahiri huo ulimfanya kuwa kielelezo cha utangazaji wa kike katika Nyanda za Juu Kusini, ambapo watangazaji chipukizi wengi walitamani kufuata nyayo zake. Sauti yake ikawa sio tu burudani, bali pia shule ya heshima na ubunifu katika utangazaji.

KUPAA KITAIFA: EAST AFRICA RADIO

Baada ya kutamba kwa mafanikio makubwa Mbeya, February alihamia jijini Dar es Salaam na kujiunga na moja ya redio kubwa zaidi nchini, East Africa Radio. Hatua hii ilikuwa kama muhuri wa dhahabu uliothibitisha kwamba kipaji chake ni cha kitaifa na si cha kikanda pekee.

Katika kituo hiki kikubwa, ameonekana kwa mara nyingine kama “malkia wa utangazaji”, akiongoza kipindi kwa ushawishi, nidhamu na ubunifu unaowavutia maelfu ya wasikilizaji kila siku.

SIFA ZA KIPEKEE

February Omary anabaki kuwa mfano wa ubora kutokana na:

¾      Sauti yenye mvuto wa pekee na inayoshikilia msikilizaji mwanzo hadi mwisho.

¾      Ubunifu wa mtiririko (flow) na mpangilio wa maneno katika uwasilishaji.

¾      Ustadi wa kufungua na kufunga vipindi kwa mtindo unaokumbukwa.

¾      Umahiri wa kuendesha mijadala na interviews kwa weledi na heshima.

¾      Uadilifu katika kuwapa nafasi wasanii bila upendeleo, huku akizingatia ubora wa kazi zao.

¾      Voice-over za kitaalamu ambazo zimeacha alama kwenye matangazo mbalimbali.

UMALKIA NA URITHI

Kuna kipindi alisimama kwa muda kusikika hewani, lakini kurejea kwake kulionekana kama shangwe jipya katika anga ya burudani. Hii ilithibitisha kwamba nafasi yake haiwezi kurudishwa na mtu mwingine kirahisi.

Hivyo basi inathibitishwa kuwa:

“Kila jamii inakuwa na malkia mmoja tu anayelindwa kwa ulinzi imara – February Omary ni malkia wa utangazaji, ni lazima alindwe.”

Kwa heshima na uthubutu wake, February Omary a.k.a Fyebyebye Bebe ameandika ukurasa mpya katika historia ya utangazaji Tanzania. Ni mfano wa kuigwa kwa wanawake katika sekta ya burudani na sauti yake itaendelea kuishi kama alama ya ubunifu, ushawishi na umalkia wa kweli.

February Omary – Southern Highlands Queen. Sauti yake ni historia. Umahiri wake ni urithi. Safari yake ni kielelezo cha malkia wa kweli katika utangazaji.