HOME FESTIVAL SEASON 2: BURUDANI, UTAMADUNI NA UBUNIFU KWA PAMOJA!

AG Africa Entertainment, chini ya mwanzilishi na mkurugenzi wake mahiri Aloyce George, kwa mara nyingine tena inaleta tamasha kubwa na la kipekee la burudani nchini – HOME FESTIVAL SEASON 2, linalotarajiwa kufanyika katika uwanja wa mpira Matundasi(A) Chunya tarehe 27 Septemba 2025.

Baada ya mafanikio makubwa ya Season 1, ambayo yalivutia mamia ya washiriki na wadau wa burudani kutoka maeneo mbalimbali, msimu huu wa pili umepangwa kwa ubunifu mkubwa zaidi, ukilenga kuimarisha ushirikiano, kuibua vipaji vipya, kukuza biashara ndogondogo na kuenzi utamaduni wetu wa nyumbani.

LENGO KUU LA TAMASHA

HOME FESTIVAL SEASON 2 limebeba dhamira ya kuwaleta pamoja watu wa rika na vipaji tofauti kwa ajili ya kusherehekea muziki, sanaa, vyakula na utamaduni wa Kiafrika. Ni jukwaa la kuvumbua, kusherehekea na kuunga mkono ubunifu wa Kitanzania na wa Kiafrika kwa ujumla.

KINACHOKUSUBIRI MWAKA HUU:

Tamasha la mwaka huu limepangwa kuwa na vipengele vingi vya kuvutia ambavyo vitahakikisha kila mshiriki anaondoka na furaha, kumbukumbu na thamani ya muda wake. Mambo yatakayokuwepo ni pamoja na:

MAONYESHO YA MUZIKI – Kutoka kwa wasanii wakubwa wa Bongo Fleva na vipaji vinavyochipukia.
BURUDANI YA INJILI – Vikundi na wasanii wa muziki wa gospel kwa ajili ya wote wanaopenda ujumbe chanya na wa kiroho.
MAONYESHO YA BIDHAA – Ubunifu kutoka kwa wajasiriamali wa ndani, wakiuza kazi zao za mikono, mavazi, mapambo, na bidhaa za asili.
VYAKULA VYA ASILI NA KISASA – Fursa ya kuonja vyakula vya Kitanzania na Afrika kutoka kwa wapishi mahiri.
SANAA, MITINDO NA UTAMADUNI – Maonyesho ya sanaa za mikono, mavazi ya kitamaduni, na maonesho ya ubunifu wa mitindo.
MICHEZO KWA WATOTO NA FAMILIA – Eneo la michezo, furaha na vicheko kwa familia nzima.
SURPRISES – Vipengele vya papo kwa papo vitakavyoongeza mvuto wa tamasha.

FURSA KWA WADAU NA WASHIRIKI:

Tamasha hili ni jukwaa la wazi kwa:

-         Wadhamini wanaotaka kuunga mkono sanaa na utamaduni wa ndani

-         Wafanyabiashara wanaotaka kuuza bidhaa au huduma zao

-         Wasanii wanaotaka kujitambulisha au kuonesha vipaji vyao

-         Vikundi vya burudani na watoa huduma mbalimbali

-         Vyombo vya habari, wapiga picha na content creators

KWA NINI USHIRIKI?

HOME FESTIVAL ni zaidi ya burudani—ni mahali pa kujifunza, kuunganishwa, kukuza biashara, na kufurahia pamoja. Kama unathamini sanaa, utamaduni, ubunifu na mshikamano wa kijamii, basi hili ni tukio usilopaswa kukosa.

KWA USHIRIKI AU MAELEZO ZAIDI, WASILIANA NASI KUPITIA:

Simu: 0715 045 466 au 0620 424 315

HOME FESTIVAL 2025 – SEASON 2
Burudani ya Nyumbani. Utamaduni Wetu. Fahari Yetu.