MESHAMAZING: SAUTI TAKATIFU YA NYANDA ZA JUU KUSINI ‘HAZINA YA TAIFA’

Katika zama ambazo muziki wa Bongo Fleva unazidi kuchukua sura ya kitaifa na kimataifa, vipaji kutoka maeneo mbalimbali ya Tanzania vinaanza kung’ara zaidi ya mipaka ya mikoa yao. Miongoni mwa nyota wanaozidi kutikisa jukwaa la muziki nchini ni mshindi wa Bongo Star Search 2019, Meshack Fukuta, anayefahamika kwa jina la kisanii Meshamazing  msanii kutoka Mbeya ambaye sasa anatambulika kama moja ya hazina kubwa ya taifa.

Kupitia chapisho lililotolewa hivi karibuni na SDP Updates, Meshamazing ametajwa kuwa mfano halisi wa vipaji vilivyokomaa na kuvuna matunda ya juhudi, nidhamu na msimamo wa kisanaa kutoka nyanda za juu kusini. Katika maneno yaliyojaa uzito wa kishujaa, SDP waliandika:

"Kuna muda unatamani uwachukue wasanii wakali kutoka nyanda za juu kusini uwawake pale A-list ya Bongo, atleast wale matunda ya vipaji vyao vilivyotukuka..."

Kauli hiyo si tu inazungumzia Mesha kama msanii binafsi, bali pia inainua bendera ya wasanii kutoka mikoa kama Mbeya, Iringa, Njombe na Songwe ambao mara nyingi hupambana sana kupata nafasi kwenye anga za kitaifa.

Katika maelezo hayo, Meshamazing aliainishwa kama msanii aliyekamilika  mwenye kipaji halisi, bahati ya kipekee, nidhamu ya kazi, na bidii isiyo na kifani. Ni nadra kukutana na msanii anayebeba sifa hizi zote kwa pamoja, na hilo ndilo linamtofautisha Mesha na wengi katika kizazi kipya cha muziki wa Tanzania.

Lakini pengine kauli iliyogusa zaidi mioyo ya mashabiki na wadau wa muziki ni ile ya Robert Eliah, aliyewahi kuwa bosi wake Meshamazing pale T-Motion Entertainment. Katika maoni ya heshima chini ya chapisho hilo, Robert alieleza kwa maneno mawili tu yenye uzito mkubwa:

"NATIONAL TREASURE" (Hazina ya Taifa)

Maneno haya mafupi lakini yenye maana pana, yamedhihirisha thamani ya kweli ya Mesha katika tasnia ya muziki, na ni kiashiria cha msanii ambaye sasa anapewa nafasi stahiki katika jukwaa la muziki la kitaifa.

KWANINI MESHAMAZING NI WA KIPEKEE?

-    Alianza kutoka chini kabisa mpaka kushinda mashindano ya Bongo Star Search, ambapo alijipatia umaarufu kutokana na uwezo wake wa kipekee wa sauti na uandishi wa nyimbo.

-  Ametoka Mbeya, mkoa ambao mara nyingi vipaji hukosa jukwaa pana la kitaifa lakini yeye amevunja ukuta huo.

-    Ana ushawishi mkubwa kwenye mitandao ya kijamii, hasa Instagram (@amazing__tz), ambako anaendelea kuhamasisha vijana kuhusu uthubutu, juhudi, na matumizi sahihi ya vipaji.

Kuwepo kwa wasanii kama Meshamazing ni uthibitisho kuwa Tanzania imejaa vipaji visivyo na kifani kutoka kila kona ya nchi. Ni wakati sasa kwa wadau wa muziki, media, na mashabiki kwa ujumla, kuwekeza zaidi katika kukuza na kusambaza sauti kutoka maeneo ambayo hayajawahi kupata mwangaza wa kutosha.

Mesha si tu nyota ya Mbeya ni sauti ya kizazi kipya cha wasanii wanaotoka mikoani, wenye uwezo wa kuandika historia mpya ya muziki wa Tanzania.

#TunajivuniaZaidiVyaNyumbani
#Meshamazing
#NyandaZaJuuKusini
#BongoFleva
#NationalTreasure

CREDITS: SDP UPDATES